KIA Dap Ba ( 6 ) ginra hta Myen hpyen Dapnu ( 88, 99 ) hte laja lana gasat gala majan byin

Mung Myit Sinli Ga ( Kachin Sub-State ), KIA Dap Ba ( 6 ), Dap Dung ( 36 ) ginra, Nam Gat hte Hpa Hpik lapran kaw Myen hpyen, Dapnu ( 88, 99 ) na pawnghpawm hpyen n-gun ( 150 ) daram hte

KIA hpyen hpung ni, January 22 ya jahpawt hkying 8:45am aten kaw nna hkying 9:30am aten du hkra laja lana gasat gala majan byin ai lam chye lu ai.

January 22 ya shani ka-ang hkying 12:00noon aten hta KIA Dap Dung ( 2 ), Dap Dung ( 6 ) ginra, Hpakant, Ginsi, Ding Nyin Kawng kaw shara jahkrat nga ai Myen hpyen dap Hk.L.Y ( 102 ) na hpyen hpung ni kawn KIA hpyen hpung ni shara jahkrat nga ai Uru Hka, Hka hku maga de laknak kaba ( 41 ) lang gap sharu bun ai lam chye lu ai.