KIA Dap Ba, Dap Dung ginra de gumshem Myen hpyen dap ni laknak kaba gap shadam bun
KIA Masat (3) Dap Ba, Masat (12) Dap Dung ginra hta March shata 20 ya jahpawt hkying 9:15am hte 11:00am aten laman gumshem Myen hpyen dap Hk.L.Y (276) ni Nan Pung Pung lahta kawn Pin Chying lawu Gawk Ngu Kawng mayan de laknak kaba 81mm (11) lang gap shadam bun ai lam chye lu ai.
KIA Masat (9) Dap Ba, Masat (44) Dap Dung ginra hta mung March shata 20 ya shana hkying 10:04pm ten, Mada Bum kaw nga ai Hk.M.Y (11) Dap ni kaw nna, Nat Lik Ja Maw maga de laknak kaba 79mm (6) lang gap bun ai lam nga ai.
Matut nna mung KIA Masat (8) Dap Ba ginra hta March shata 20 ya shana hkying 8:05pm ten, Hupin kaw dap jung nga ai Hk.L.Y (40) dap ni kawn Nam Yin Chyawng a sinpraw dingdung maga de laknak kaba (11) lang gap shadam ai lam chye lu ai.
KIA Dap Ba, Dap Dung ginra ni hta March shata laman gasat gala majan byin nga ai hte gumshem Myen hpyen dap ni kaw nna laknak kaba ni majoi gap shadap bun nga ai lam chye lu ai.
