KIA Dap Dung ( 1 ) ginra kaw gasat gala majan matut byin
KIA Dap Ba ( 3 ) Dap Dung ( 1 ) ginra hta shamu shamawt nga ai Hk.L.Y ( 237, 105 ) dap na pawnghpawng hpyen hpung hte KIA hpyen hpung ni, April praw 5 ya shani hkying 11:40am aten kaw na hkying 12:15pm aten du hkra, Lajawng mare ntsa bum kaw gasat gala majan matut byin ai lam, shawnglam shisawk ni shana wa ai.
Gasat majan byin ai shara de Lungja bum kaw dung ai Myen hpyen dap ni, laknak kaba hte gap bun nga ai. KIA Dap Dung ( 1 ) ginra hta April praw 3 shani kawn shani shagu ngu na gasat gala bai byin nga ai hpe chye lu ai.
KIA Dap Ba ( 2 ) Dap Dung ( 11 ) ginra, Ting Rat hka mayan kaw du nga ai Hk.L.Y ( 298 ) dap na hpyen hpung ni gaw, April praw 4 ya shani Dum Bung mare Salang Lashi Brang Awng hte Slg. Hpaujung Hka Mai yan hpe shaga woi nna Dum Bung kyu hpyi bum mayan hku woi hkawm nhtawm bai dat dat ai lam na chye lu ai.
