KIA Dap Dung ( 12 ) ginra hta gasat gala majan matut byin
KIA Bap Ba ( 3 ), Dap Dung ( 12 ) ginra, Loi Hkam Nawku Jawng kawng kaw January 15 ya jahpawt hkying 7:45am aten kawn hkying 9:35am aten laman KIA hpyen hpung hte Myen
hpyen hpung ni gasat gala majan matut byin ai lam chye lu ai.
Nam Lim Pa kaw nga ai Myen hpyen ni KIA Dap Dung ( 12 ) Head Quarters de sinat kaba hte gap sharu bun ai sha n-ga Jet nbungli ( 2 ) hte mung wa htim gap ai lam chye lu ai.
January 13 ya shani, shana daw hkying 4:00pm aten hta KIA Dap Ba ( 4 ), Dap Dung ( 9 ) ginra, Man Pyawng Hkyet sa wa ai lam Kawng Lim lam numshe kaw KIA Dap Dung ( 8 ) na hpyen hpung ni, ginra gawan hkawm ai kaw Myen hpyen Dapnu ( 99 ) kata na hpyen hpung hte ang katut gasat majan byin ai lam chye lu ai.
