KIA Dap Dung ( 14 ) ginra hta Myen hpyen hpung hte laja lana gap hkat

KIA Dap Ba ( 2 ) Dap Dung ( 14 ) ginra N-ga Ga mare KBC nawku jawng makau kaw, June praw 6 ya shani hkying 11:00am aten kawn hkying 12:45pm aten du hkra, KIA hpyen

hpung hte Myen hpyen hpung ni laja lana gasat majan byin ai lam na chye lu ai.

Myen hpyen hpung ni gaw, KIA hpyen hpung hpe, Sut masa Magam Dap ni a sau jen jep shagyit ( Gate ) lahta mawdaw lam a pai maga hte, N-ga Ga mare KBC nawku jawng shingdu hku nna wang gap wa ai hpe, Dung ( 14 ) Dap Up woi awn hpung ni kawn laja lana ninghkap gasat dat ai majaw, shani ka-ang hkying 12:45pm aten hta gan zim nna, shada naw sin hkat nga ai lam, shawnglam shisawk ni kawn chye lu ai.