KIA Dap Dung ( 14 ) ginra na mungshawa ni hpyen koi yen nga
Sinna Ginwang Ginjaw, KIA Dap Ba ( 2 ) Dap Dung ( 14 ) ginra hta shamu shamawt nga ai Myen hpyen hpung ni, N-ga Ga mare kata de sinat kaba gap bun ai majaw, N-ga Ga mare na
mungshawa Nta htinggaw ( 36 ) gaw, Namhkam mare KBC nawku jawng wang hta hprawng yen nga ai lam na chye lu ai.
Hpyen yen nga ai mungmasha ni gaw, La marai ( 38 ) Num marai ( 51 ) yawng marai ( 89 ) tup re lam na chye lu ai.
June praw 3 ya shani kaw na KIA Dap Dung ( 14 ) shawnglam hpyen hpung ni a Mai Sak Post hpe Myen hpyen dap ni wa htim gap ai majaw, gasat gala majan byin ai re. Myen hpyen dap ni gaw, mungshawa ni nga ai mare kata de, sinat kaba hkrup mara gap bun wa ai majaw, mungshawa ni hta hkala nba byin na tsang ai sha n-ga hkrit maja let, hprawng yen nga ra ai nga nna, dai ginra na salang langai tsun wa ai kawn chye lu ai.
