KIA Dap Dung ( 14 ) ginra, Nawngmi mare lahta kaw gasat majan byin

KIA Dap Ba ( 2 ), Dap Dung ( 14 ) ginra kaw shamu shamawt nga ai Myen hpyen dap Hk.L.Y ( 297, 298 ) na pawnghpawm hpyen hpung hte KIA hpyen hpung ni, August 24 ya jahpawt manap hkying 2:30am aten daram hta Nawngmi mare lahta D.K.Ts ni a hpyen dap dingsa kaw gasat majan byin ai lam, hpyen shisawk ni kawn chye lu ai.

Gasat majan byin ai shara de, Myen hpyen dap ni, hpyen n-gun bai jat lung wa ai lam nga ai, ndai ginra hta majan laja lana rai byin wa na hpe hkrit tsang nga ai lam, Nawngmi mare na salang langai shana wa ai kawn chye lu ai.