KIA Dap Dung ( 27 ) na hpyen hpung hte Myen hpyen hpung ni laja lana bai gasat majan byin

Sinpraw Ginwang Ginjaw KIA Dap Ba ( 3 ), Dap Dung ( 27 ) ginra, Madang Yang mare lahta Hka Wan Pa ntsa kaw Hk.M.Y ( 319 ), Hk.M.Y ( 601 ) Dap na pawnghpawm Myen hpyen hpung

hte KIA Dap Dung ( 27 ) na hpyen hpung ni, March 25 ya shani ka-ang hkying 12:50Pm aten daram kaw nna, shana daw hkying 2:00Pm aten du hkra laja lana gasat gala majan byin ai lam na chye lu ai.

Ndai pawnghpawm Myen hpyen dap ni gaw, Hka Pra Yang mare maga kawn KIA hpyen hpung ni nga ai shara de shamu shamawt lung wa ai majaw, gasat gala majan byin ai re lam, ginra shisawk ni tsun ai kawn chye lu ai.