KIA Dap Dung ( 34 ) ginra hta Dapnu ( 88 ) hte gasat gala majan byin
Mungmyit Sinli Ga, Kachin Sub-State, KIA Dap Ba ( 6 ), Dap Dung ( 34 ) ginra, Man Yawn mare kawn shamu shamawt lung wa ai Myen hpyen Dapnu ( 88 ) na hpyen hpung hte KIA
Dap Dung ( 34 ) na hpyen hpung ni January 26 ya shani hkying 11:20am aten e Hka Hkyeng makau kaw gasat gala majan byin ai lam chye lu ai.
Ale Tu mare hta nga ai Slg. Maung Maung Myint hpe Hk.M.Y ( 336 ) dap na hpyen hpung ni kawn KIA ni hpe shiga jaw ai wa re ngu, mara shagun adup zing ri nna January 25 ya shani rim woi mat ai lam mung na chye lu ai.
