KIA Dap Dung ( 36 ) ginra hta gasat gala byin
Mung Myit Sinli Ga ( Kachin Sub-State ) KIA Dap Ba ( 6 ) Dap Dung ( 36 ) ginra, Hpawng Seng Manping lahta Nawng Hpai lagat hkyet maga htu lung wa ai Myen hpyen dap Tatma ( 99 ) npu na hpyen hpung ni October, 16 ya shani hkying 1:30pm aten daram hta
KIA hpyen hpung ni hte ang katut gasat gala majan byi ai lam, Matut na shana daw hkying 6:30pm aten daram hta mung Wandin Kapna Buga, Hpai Kawng mare makau kaw KIA Kung ( 5 ) ni hte numdaw mi bai gasat gala byin ai lam chye lu ai.
KIA Dap Ba ( 4 ) hte ( 6 ) ginra ni hta shamu shamawt hkawm nga ai Myen hpyen hpung ni gaw KIA hpe sha nrai hpyen yen mungshawa ni a malu masha hkawm sa hkawm wa galaw lu galaw sha lam ni du hkra shagyip shagyeng lam galaw nga ai hpe mung chye lu ai.
