KIA Dap Dung ( 36 ) ginra hta Myen hpyen Dapnu ( 11 ) hte gasat majan byin

Kachin Sub-State, KIA Dap Ba ( 6 ), Dap Dung ( 36 ) ginra, Dung Aw Hkyet maga de htu shadut lung wa ai Dapnu ( 11 ) kata na hpyen n-gun 100 daram re Myen hpyen hpung hte KIA

hpyen hpung ni January 24 ya jahpawt hkying 8:26am aten hta gasat gala majan byin ai lam chye lu ai.

Bai, Myen hpyen Dapnu ( 88 ) kata na hpyen hpung ni KIA Dap Dung ( 36 ) Head Quarter de htu shadut lung wa ai majaw, January 24 ya shana daw hkying 4:40pm aten hta KIA hpyen hpung ni, Bawm, RPG ni hte hkap gap shingla ai kawn gasat gala majan byin ai lam chye lu ai.

January 25 ya shana maga hkying 2:30pm aten hta KIA Dap Dung ( 36 ) ginra, Man Pying mare makau kaw Myen hpyen hpung ni hte gasat gala majan matut byin ai lam chye lu ai.

Ya aten hta Myen hpyen dap ni kawn Hpung Gan, Hpa Hkam, hte Yi Hku mare hkan na mungmare masha ni hpe Bangsai mare hte Namtau mare de lawan htawt sit nga na matu, tsun shadut nga ai lam buga masha ni tsun ai kawn chye lu ai.