KIA Dap Dung ( 36 ) ginra ni hta gasat gala majan byin
Mung Myit Sinli Ga ( Kachin Sub-State ), KIA Dap Ba ( 6 ) npu Dap Dung ( 36 ) ginra de shamu shamawt hkawm nga ai Myen hpyen dap Hk.M.Y ( 113 ) dap na hpyen n-gun ( 80 ) daram nga ai hpyen hpung ni hte
KIA hpyen hpung ni November, 4 ya jahpawt hkying 9:00am aten Man Kawng mare kaw gasat gala majan byin ai lam chye lu ai.
Dai hpang Man Kawng mare, Nam Hkawng mare, Mai Hpai mare hte Man Ping mare ni de Myen hpyen dap ni laknak kaba gap bun ai majaw, ya ten dai ginra na mare masha ni shim ai shara hkan hprawng koi yen hkawm nga ai lam na chye lu ai.
Chyauk Me Ginwang, Pan Ma mare hte Kutkai Ginwang, Hu Pan mare ni hta mung, Myen hpyen hpung ni hte TNLA hpyen hpung ni gasat gala majan byin ai lam na chye lu ai.
