KIA Dap Dung ( 36 ) ginra kata hta gasat gala majan bai byin

Mung Myit Sinli Ga ( Kachin Sub-State ), KIA Dap Ba ( 6 ) Dap Dung ( 36 ) ginra hta Myen hpyen dap Tatma ( 99 , 55 ) na pawng hpawm hpyen hpung ni hte KIA hpyen hpung ni November, 7 ya jahpawt hkying 6:00am kawn hkying 10:30am aten

laman Yi Hku Bum mayan kaw laja lana gasat gala majan byin ai lam chye lu ai.

November, 6 ya shana daw hkying 6:00pm aten daram hta mung, Mung Baw, Nam Hkawng Bum maga hku lung wa ai Myen hpyen dap Tatma ( 99 ) kata na hpyen hpung ni hte KIA Dap Dung ( 36 ) na hpyen hpung ni gasat gala byin ai lam chye lu ai.

KIA ( 252 ) Dap Nawng Dap Dung ginra, KIA Gidon post de mung Myen hpyen hpung ni shani shagu laknak kaba gap bun nga dingyang re lam chye lu ai.