KIA Dap Dung ( 6 ) hte Dap Dung ( 14 ) ginra hta gasat majan byin
KIA Dap Ba ( 2 ) Dap Dung ( 6 ) ginra hte Dap Dung ( 14 ) ginra kaw shamu shamawt nga ai Myen hpyen hpung hte Pyi Tu Tsit ( P.T.Ts ) ni hpe, KIA hpyen hpung ni sa htim gap ai lam, shawnglam shisawk ni shana wa ai kawn chye lu ai.
KIA hpyen hpung ni sa htim gap ai shara gaw, Dap Dung ( 6 ) ginra, Ka Mai Ma U Pin, Myen hpyen hte Pyi Tu Tsit ( P.T.Ts ) ni a pawnghpawm shagyit ( Gate ) hte ေက်ာက္ထု ntsa kawng kaw shara jahkrat nga ai Myen hpyen post hpe, December 20 ya jahpawt hkying 4:00am aten langai hta sha KIA Dap Dung ( 6 ) hpyen hpung ni sa htim gap ai re.
Hkying 10:10am aten kawn hkying 10:40am aten laman hta mung, KIA Dap Dung ( 14 ) ginra, Hka U Yup maga de shang wa ai Myen hpyen hpung ni hpe KIA hpyen hpung ni Ja Ngai Maw lawu Bau Dum Nawng makau kaw, sa htim gap ai lam chye lu ai.
