KIA Dap Dung (7), Dap Dung (36) hte Dap Dung (44) ginra ni hta gumshem Myen hpyen ni hte KIA ni gasat gala majan matut byin
KIA Masat (1) Dap Ba, Masat (7) Dap Dung ginra, Putao byuha kata na Gumshem Myen hpyen Hk.L.Y (137) hte Hk.L.Y (138) Dap na pawng hpawm hpyen hpung ni hte KIA hpyen hpung ni, January shata praw 9 ya jahpawt hkying 8:50am aten hta Hking Du Ga hte Hpung Chyang lapran kaw gasat poi byin ai lam chye lu ai.
Mungmyit Sinli Ga (Kachin Sub-state), KIA Masat (6) Dap Ba, Masat (36) Dap Dung ginra, KIA ni shara la nga ai Shwi Zin Wan Bum de shamu shamawt htu lung wa ai, Gumshem Myen Hpyen Dap, Hk.M.Y (332) Dap na hpyen n gun (80) daram hpung ni hte KIA ni, January shata praw 8 ya jahpawt hkying 6:30am aten kawn minute 20 daram gasat poi byin ai re.
KIA Masat (9) Dap Ba, Masat (44) Dap Dung ginra, Bum Wang Pa kaw mung, January shata praw 8 ya shani hkying 10:08am aten hta Lung Hkang Bawm Yam Dap na pru wa ai, Gumshem Myen Hpyen Dap, Hk.M.Y (111) hte Hk.L.Y (76) Dap na pawng hpawm hpyen n gun 100 daram hpung ni hte KIA ni gasat poi byin ai re lam, shawng lam shi sawk ni shana wa ai kaw na chye lu ai.
