KIA Dap Dung ( 8, 14, 27 ) ginra ni hta majan laja lana byin nga
KIA Dap Ba ( 2 ) Dap Dung ( 14 ) ginra, KIA hpyen hpung ni shara la nga ai Chyasam hka maga de htu lung wa ai Myen hpyen hpung hpe, February praw 5 ya shana daw hkying 2:30pm aten hta Woi Ji hka mayan kaw hkap shingla gasat dat ai kawn majan byin ai lam, shawnglam shisawk ni shana wa ai.
February praw 5 ya shani hta sha, Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 8 ) ginra, Ngaw Nga mare makau kaw Balawng ( Ta-ang ) TNLA hpyen hpung hte Myen hpyen dap, Dapnu ( 11 ) kata na hpyen hpung ni gasat gala majan byin ai hta Myen hpyen dap ni gaw, Helicopter nbungli ( 2 ) hte numdaw ( 6 ) lang wa htim gap ai lam chye lu ai.
KIA Dap Ba ( 3 ) Dap Dung ( 27 ) ginra hta mung, dai ni February praw 6 ya jahpawt hkying 9:18am aten kaw nna, KIA hpyen hpung hte Myen hpyen hpung ni, Maji Gung makau Zaibru hkyet kaw gasat poi byin nga ai lam, ginra shisawk ni shana wa ai.
Kaihtik hte Sindi bum kaw dung ai Myen hpyen dap ni mung, majan byin ai grup gra de, 105mm, 120mm laknak kaba ni hte gap bun nga ai sha n-ga ya aten hta hpyen n-gun laknak machyu pala ni hpe mung, shani shagu ngu na htaw sa ya nga ai lam chye lu ai.
