KIA Dap Dung ( 8 ) hte Dap Dung ( 27 ) ginra hta gasat majan byin

KIA Dap Ba ( 3 ) Dap Dung ( 27 ) ginra, Nam Mak Zup maga na yu wa ai Myen hpyen hpung hte KIA hpyen hpung ni, January praw 4 ya shani hkying 10:20am aten hta Hkrai Nga Kawng kaw ang katut gasat gala majan byin ai lam, shawnglam shisawk ni kawn chye lu ai.

Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 8 ) ginra hta shamu shamawt nga ai Myen hpyen hpung hte KIA hpyen hpung ni mung, January praw 4 ya shana maga hkying 4:35pm aten, Kuthkai, Man Lung ntsa Hpun Kya Kawng kaw gasat poi byin ai.

Kut Hkai kaw dap jung nga ai Myen hpyen dap ni, gasat poi byin ai shara de, laknak kaba hte gap gap garum ai lam chye lu ai.