KIA Ginjaw Ginra, Dap Ba ( 5 ) kata na gasat gala majan shiga
December praw ( 27 ) ya jahpawt hkying 7:00am aten daram hta KIA Dap Ba ( 5 ), Dap Dung ( 3 ) ginra, Lai Hpawng, Hpau Daw, Mai Saw, Law Hkum
hpyen dap ni nga ai maga de Myen hpyen hpung ni laknak kaba ni hte matut manoi gap bun ai sha n-ga, hkying 7:45am aten daram hta Jet Fighter ni hte wa htim gasat ai lam hte hkying 2:30pm aten daram hta gaw Myen hpyen hpung ni Lai Hpawng, KIA Hpyen Dap nga ai maga de lagaw lam hku nna htim lung wa ai majaw, KIA hpyen hpung ni hte laja lana gasat gala majan byin ai lam chye lu ai.
Myen Hpyen dap ni gaw Lai Hpawng KIA Hpyen Dap hpe lai wa sai August shata praw ( 17 ) ya shani kaw nna daini du hkra ladat amyu myu hte gasat nga dingyang rai nga ai.
