KIA Ginjaw Ginra hte Dap Ba ( 6 ) Ginra kata na gasat gala majan shiga
December praw 19 ya jahpawt hkying 1:20am aten daram kaw nna KIA Ginjaw Ginra, Hpunpyen Bum
kaw du nga ai Myen Hpyen ni gaw, Lawa Yang mare maga de laknak kaba ni hte gap bun n-htawm, Bum Re Bum kaw du nga ai Myen hpyen hpung ni mung December praw 18 ya jahpawt hkying 5:25am daram hta KIA Dap Dung ( 23 ), Dap Dung ( 42 ), Mung Lai Hkyet Hpyen yen Dabang makau grupyin ni de laknak kaba ni hte ( 17 ) lang gap bun ai re lam chye lu ai.
December praw 19 ya jahpawt hkying 9:40am aten daram hta KIA Dap Ba ( 5 ), Dap Dung ( 3 ) ginra Hpau Daw maga de nna Myen hpyen hpung ni gaw KIA Hpyen Dap ni nga ai maga de sinat kaba ni hte gap bun n-htawm, shani hkying 1:30pm aten daram hta mung Lai Hpawng hte Law Hkum grupyin de Helicopter ( 2 ) hte wa htim gap ai lam chye lu ai.
December shata praw 19 ya jahpawt hkying 9:00am aten daram hta KIA Dap Ba ( 6 ), Dap Dung ( 36 ) ginra, Namtau makau Hpa Hkam maga de shamu shamawt lung wa ai Myen hpyen hpung ni hte KIA hpyen hpung ni gasat gala majan byin ai lam chye lu ai.
