KIA ginra hta Myen hpyen dap ni laknak kaba gap dingyang hte gasat gala mung byin nga dingyang
KIA ( 252 ) Dap Nawg Dap Dung ginra hta October, 18 ya shana daw hkying 4:45pm aten hte hkying 8:00pm aten hta Myen hpyen hpung ni 81mm ngu maram lu ai laknak kaba hte gap bun ai lam, Matut nna KIA shawng lam post Zi Un de htim gasat lung wa ai
Myen hpyen hpung ni hpe mung KIA hpyen la ni hkap shingla gasat ai lam chye lu ai.
KIA Dap Ba ( 3 ), Dap Dung ( 15 ) ginra Loi Ying makau Pang Bum kaw du nga ai Myen Amyawk dap ( 320 ) ni mung, October, 18 ya shani hkying 10:20am aten kawn Sik Saw Bum maga de 60mm laknak kaba hte gap bum ai lam chye lu ai.
KIA Dap Ba ( 6 ), Dap Dung ( 36 ) ginra de shamu shamawt hkawm nga ai Myen hpyen dap Tatma ( 99 ) kata na hpyen hpung ni hte mung KIA hpyen hpung ni October, 18 ya shani hkying 10:30am aten daram hta gasat gala majan byin ai lam, Dai hpang shani hkying 1:00pm aten hta Hpawng Seng hte Bang Sai lapran Nam Yang kaw numdaw mi bai gasat gala byin ai lam chye lu ai.
