KIA hpe madi shadaw ai ramma n-gun madun lamang galaw

Myitkyina Muklum kata na ramma ni March shata 12 ya jahpawt 9:00am aten kaw nna shana maga hkying 3:00pm aten du hkra “We Support KIA” ngu ai hpyen dau laika lang nna Myikyina Muklum kata lam hkawm n-gun madun lamang galaw ai lam na chye lu ai.

N-gun madun lamang hta, Gumshem ai Myen Hpyen Dap hpe nra sharawng ai lam, KIA hpe madi shadaw ai laika pyen dau ni lang nna, Muklum kata na ramma ni wuhpung 3, 4 garan nhtawm, Shatapru hte Myitkyina Muklum kata shara shagu, lam hkawm n-gun madun ai lam galaw ai hta, Myen Hpyen Dap hte Balik ni kawn sa du je bat masha shabra ai lam galaw ai raitim, rim hkrum ai lam nnga ai hpe mu mada ai lam, Myitkyina ginra masha langai tsun ai.

Daini gaw Myitkyina Muklum kata ninggawn mungshawa n-gun madun lamang kaba n galaw ai raitim, Muklum kata na ramma ni kaw nna secret group galaw nhtawm, KIA hpe madi shadaw ai ramma n-gun madun lamang hpe shawng nnan galaw ai rai nna, mungshawa n-gun madun lamang ni hpe mung, shawa wuhpung wuhpawng law law hte matut manoi galaw sa wa na re lam chye lu ai.

Photo Credit; fb