KIA hpyen hpung hte Myen hpyen dap ni gasat majan byin

KIA Dap Ba ( 2 ) Dap Dung ( 6 ) ginra hta shamu shamawt nga ai Myen hpyen dap, Hk.L.Y ( 255 ) na hpyen hpung hte KIA Dap Dung ( 6 ) hpyen hpunng ni, December 11 ya shani hkying 11:00am aten hta Hkrai Run hte Gaw Lu Yang mare lapran kaw gasat majan byin ai lam, shawnglam shisawk ni kawn chye lu ai.

KIA Dap Ba ( 3 ) Dap Dung ( 27 ) ginra, Namhka lup wa kawng mayan hta shimlam la shara jahkrat nga ai Myen hpyen hpung hpe, December 10 ya jahpawt hkying 8:30am aten hta KIA hpyen hpung ni Wa Gahti hkaraw kaw, bawm hte hkap shingla dep bun ai.

Ya aten KIA Dap Dung ( 27 ) ginra hta Myen hpyen ni n-gun 200 daram jat bang da ai lam na lu ai, ya na zawn hpyen n-gun bai jat wa ai majaw majan gaw, grau laja wa na masa nga ai lam, buga masha ni kawn chye lu ai.