KIA hpyen hpung hte Myen hpyen hpung ni Bang Hka Kaba kaw gasat majan byin

Mungmyit Sinli Ga ( Kachin Sub-State ) KIA Dap Ba ( 6 ) Dap Dung ( 34 ) ginra hta shamu shamawt nga ai, Myen hpyen dap, Dapnu ( 11 ) kata na hpyen n-gun ( 100 ) daram hte KIA hpyen hpung ni, December praw 1 ya jahpawt hkying 7:10am kawn hkying hkum mi daram Kung Sa mare makau kaw gasat majan byin ai lam, shawnglam shisawk ni kawn chye lu ai.

KIA Dap Ba ( 2 ) ginra, Nawng Lung Kawng Ra mare kaw dap jung shara jahkrat nga ai Myen hpyen ni gaw, gat seng dut ai mungshawa ni hpe ndai laman masa grai npyaw wa na re, dai majaw gat rai law law mari dut ai lam hkum galaw mu, ngu tsun ai lam buga masha ni kawn chye lu ai.

Ya aten hta Myen hpyen dap ni, KIA ni nga ai shara shagu ngu na de, hpyen n-gun law law hte shamu shamawt ai lam galaw nga ai hpe mung chye lu ai.