KIA hpyen hpung hte Myen hpyen hpung ni gasat gala majan byin

Mungmyit Sinli Ga ( Kachin Sub-state ) KIA Dap Ba ( 6 ) Dap Dung ( 9 ) ginra, Sha-u Bum Ginwang Daw, Nawng San mare kaw October shata 31 ya shani ka-ang hkying 12:30pm aten hta KIA hpyen hpung hte Myen Hpyen Dap, Dapnu ( 11 ) kata na hpyen hpung ni gasat gala majan byin ai lam chye lu ai.

KIA hpyen hpung ni mare kata hkring nga ai aten Myen hpyen hpung ni shawng sa gap dat ai re. Dai hpang KIA hpyen hpung ni sinat kaba hte bai nhtang gap dat ai majaw, Myen hpyen hpung ni Mawhan mare maga de nhtang mat wa sai lam, shawng lam shi sawk ni kawn chye lu ai.