KIA hpyen hpung hte Myen hpyen hpung ni gasat majan matut byin
KIA Dap Ba ( 3 ) Dap Dung ( 12, 27 ) ginra, Prang Dep Pa hte Daw Nhkang Kawng lapran kaw, November 18 ya jahpawt hkying 6:40am aten kaw na KIA hpyen hpung hte Myen hpyen hpung ni gasat gala matut byin ai lam, shawnglam shisawk ni kawn chye lu ai.
Daihpawt manap hkying 4:03am aten hta Dung ( 1 ) ginra, Lung Ja Kawng kaw dung ai Myen hpyen dap ni KIA hpyen hpung ni nga ai Pa Daw Htamawk Kawng maga de, sinat kaba 60mm hte ( 5 ) lang gap bun ai lam, ginra shisawk ni shana wa ai.
November 17 ya shani hta mung, Mungmyit Sinli Ga ( Kachin Sub-State ) KIA Dap Ba ( 6 ) Dap Dung ( 2 ) ginra, Kawng Lim mare hte Kawng Hkam mare lapran kaw Myen hpyen hpung hte KIA hpyen hpung ni gasat majan byin ai lam chye lu ai.
