KIA hpyen hpung ni kawn Gumshem Myen hpyen hpung ni hpe bawm hte hkap shingla gasat
KIA Masat (3) Dap Ba, Masat (12) Dap Dung ginra, Loi Hkam Bum maga kawn lagaw lam hte yu wa ai Hk.L.Y (276) dap na Gumshem Myen hpyen hpung ni hpe July shata 21 ya jahpawt hkying 8:20am aten KIA hpyen hpung ni Nam Lim Pa mare baw kaw bawm hte hkap shingla gasat ai lam chye lu ai.
Gumshem Myen hpyen hpung ni kawn mung, grup yin de 79mm, sinat kaji kaba bai nhtang gap bun ai lam, shana hkying 7:30pm aten hta gaw, Hk.L.Y (58) dap kawn Nang Zaw Yang hpyen man maga de 105mm hte (4) lang gap bun ai lam, shawng lam na lit nga ai salang ni tsun ai kaw na chye lu ai.
Shani hkying 10:30am aten hta gaw, KIA Masat (8) Dap Ba, Masat (5) Dap Dung ginra, Na Ba hte Ka Ta lapran na လမ္းခြ mare makau kaw Gumshem Myen hpyen la htaw wa ai Madaw (1) hpe PDF hpyen hpung ni hkap gap ai lam chye lu ai.
July shata 21 ya jahpawt hkying 8:45am aten hta sha, Ginjaw Ginra, Hka Ya lam numshe na Hk.L.Y (77) dap ni dung ai gate kaw KIA ni sa hkam tawn ai bawm, Gumshem Myen hpyen la ni gate wa dung ai ten kapaw la nna si, hkala ai lam nga ai re hpe mung na chye lu ai.
