KIA hpyenla marai lahkawng hpe TNLA na Ginwang Daw Du, hkap jahkrit
Dingda Ginwang Ginjaw, KIA Dap Ba ( 4 ), Dap Dung ( 8 ) ginra, Dum Buk mare kaw April 14 ya shani KIA hpyenla marai lahkawng ahkun hkanse hta sa ai hpe, TNLA na
Ginwang Daw Du, Aik Hin ngu ai wa hkap pawt jahkrit ai lam na chye lu ai.
Dai Ginwang Daw Du gaw “ Nanhte KIA ni ndai ginra hta ahkun hkanse hta ai lam tsep kawp n-galaw lu na, hta ai mu jang gap na, nanhte a hpa awn ni hpe wa tsun mu” ngu tsun jahkrit sharim nna wa kau shangun ai lam, ginra shisawk ni tsun ai kawn na chye lu ai.
