KIA hte gumshem Myen hpyen dap ni gasat gala majan matut byin

Waimaw ginra hta KIA hte gumshem Myen hpyen dap lapran gasat gala majan matut byin ai lam chye lu ai.

June shata 19 ya shani kaw nna, Waimaw, Lamyang hte Wuyan lapran KIA pawng hpawm hpyen hpung ni hte gumshem Myen hpyen dap ni gasat gala majan matut byin ai lam, lit nga ai salang ni kaw na chye lu ai.

Gasat gala majan matut byin nga ai hta gumshem Myen hpyen dap maga sum machyi ai lam law ai majaw, June shata 20 ya shani Myitkyina kaw na rawt wa ai, gumshem Myen hpyen dap nbungli (3) hte Lamyang, Wuyang hte Mukchik grup yin de bawm wa jahkrat bun ai lam chye lu ai.

KIA hte gumshem Myen hpyen dap ni lai wa sai March shata praw 7 ya shani kaw na gasat gala majan matut manoi byin nga ai hta ya aten du hkra raitim, hpyen masa shaja hkat nga ding yang re hpe chye lu ai.