KIA hte Myen hpyen dap ni gasat gala majan byin

Mungmyit Sinli Ga ( Kachin Sub-state ) KIA Dap Ba 6 Dap Dung 9 ginra hta shamu shamawt hkawm ai Myen hpyen Dapnu 99 kata na hpyen hpung ni hte KIA hpyen hpung ni April shata 5 ya shana maga hkying 5:10pm aten gasat gala majan byin ai lam chye lu ai.

KIA Kung 1 hpyen hpung ni shara la nga ai maga de Myen hpyen hpung ni htu lung wa ai majaw, Man Hawng mare hte Hu Hpyet lapran kaw gap hkat ai re lam, shawng lam na salang langai shana wa ai.

Ya aten hta Myen hpyen dap ni majan byin ai shara hte gade ntsan ai hkan hpyen n gun law law hte shamu shamawt du nga ai lam salang wa matut tsun ai kawn chye lu ai.