KIA hte Myen Hpyen Dapnu ( 99 ) kata na hpyen hpung ni gasat gala majan byin

Mungmyit Sinli Ga ( Kachin Sub-State ) KIA Dap Ba ( 10 ) Dap Dung ( 2 ) ginra, Nawng Jang mare hte Man Nawng mare lapran kaw October praw 6 ya shani hking 2:12pm aten kawn hkying 2:32pm aten du hkra KIA Dap Dung ( 2 ) hpyen hpung hte Myen Dapnu ( 99 ) kata na hpyen hpung ni gasat gala majan byin ai lam na chye lu ai.

KIA Dap Ba ( 10 ) ginra hta Myen Hpyen Dapnu ( 99 ) kata na hpyen n-gun 600 daram hte ding yang shamu shamawt nga ai  lam, shawnglam shisawk ni kawn chye  lu ai.

October praw 5 ya shani hta mung, KIA Dap Dung ( 2 ) ginra, Mungji mare makau kaw TNLA hpyen hpung hte Myen Hpyen Dapnu ( 99 ) kata na hpyen hpung ni gasat gala majan byin ai lam chye lu ai.