KIA hte Myen hpyen hpung gasat majan byin, Myen hpyen hpung ni Mungshawa ni hpe rim woi mat
KIA Dap Ba ( 1 ) Dap Dung ( 7 ) ginra, Kawa Pang mare kaw February, 22 ya shani hkying 10:15am hte hkying 10:45am aten laman KIA hpyen hpung ni hte Myen hpyen hpung ni gasat gala majan byin ai lam shawng lam shi sawk ni kawn na chye lu ai.
Putao Ginwang, Nam Hkam mare kaw na Mungshawa ni a nta shagu hpe February, 22 ya shani Myen hpyen hpung ni kawn shang sawk jep hkawm nga ai lam na chye lu ai.
Myen hpyen hpung ni kawn Nam Hkam mare hte Nwai Bum mare na salang ni yawng marai ( 6 ) hpe mung Putao de rim woi mat wa ai lam hpe mung na chye lu ai.
