KIA hte Myen hpyen hpung ni Awng Jat post kaw gasat gala majan byin

KIA Dap Ba 8 Dap Dung 5 ginra hta shamu shamawt nga ai Myen hpyen hpung ni hte KIA hpyen hpung ni October shata 14 ya shana maga 5:00pm aten daram hta Hkawng Mye makau Awng Jat post kaw gasat gala majan byin ai lam chye lu ai.

Dap mying n chye ai Myen hpyen hpung ni gaw, KIA hpyen hpung ni shara jahkrat nga ai Awng Jat post de htu lung wa ai majaw hkap shingla gasat dat ai kawn gasat gala majan byin ai re lam, ginra shisawk ni kawn chye lu ai.

October 15 ya dai ni hkying 12:00non aten daram hta mung, mana de gap hkat ai shara de Myen hpyen hpung ni shamu shamawt sa wa ai hta KIA ni hkam tawn ai bawm kapaw la ai lam matut chye lu ai.