KIA hte Myen hpyen hpung ni gasat gala majan byin

Sinpraw Ginwang Ginjaw, KIA Dap Ba ( 3 ) Dap Dung ( 27 ) ginra hta shamu shamawt nga ai Myen hpyen hpung hte KIA hpyen hpung ni, January praw 2 ya shana maga hkying 4:55pm aten hta Loi Jau Bum Muk Wa makau kaw gasat gala byin ai lam, shawnglam shisawk ni kawn chye lu ai.

Sinna Ginwang Ginjaw, KIA Dap Ba ( 2 ) Dap Dung ( 14 ) ginra hta mung, January praw 3 ya shani hkying 10:50am aten hta KIA hpyen hpung ni ginra gawan hkawm ai shaloi Oi Law hka mayan kaw Myen hpyen hpung hte ang katut gasat poi byin ai. Gasat poi byin ai shara de, Mung Hkawm mare hte N-Ga Ga mare kaw nga ai Myen hpyen ni laknak kaba hte gap bun ai.

Myen hpyen dap ni gaw, hpyen n-gun jat nga ding yang naw re majaw, gasat gala majan matut byin wa na masa nga ai lam, buga masha ni kawn chye lu ai.