KIA hte Myen hpyen hpung ni gasat gala majan byin
KIA Dap Ba ( 3 ) Dap Dung ( 27 ) ginra, February 21 ya shani hkying 11:00am aten kawn hkying 1:35 pm aten laman Maji Gung Kaba hte Hu Bung lapran Kashawt maga kaw KIA hpyen hpung ni hte Myen hpyen hpung ni laja lana gasat gala majan byin ai lam na chye lu ai.
KIA Dap Ba ( 1 ) Dap Dung ( 7 ) ginra hta mung February 20 ya shana daw hkying 3:10pm hte hkying 3:30pm aten laman KIA hpyen hpung ni hkap nga ai Sup Hka hte Git Rang lapran kaw Myen hpyen hpung ni htu lung wa ai majaw gasat majan byin ai lam shawng lam shi sawk ni kawn chye lu ai.
Dai hpang hkying 3:30pm hte hkying 3:50pm aten laman I-Hka kaw shara jahkrat nga ai Myen hpyen hpung ni hpe KIA hpyen hpung ni sa htim gap gasat ai lam hpe mung na chye lu ai.
