KIA hte Myen hpyen hpung ni gasat gala majan matut byin

KIA Dap Ba ( 2 ) ginra, Jam Bu Bum maga na shamu shamawt lung wa ai Myen hpyen n-gun 180 daram hpe, January 21 ya shana maga hkying 5:15pm aten hta Ting Kawk mare lai salang Myahan a namsi sun makau kaw KIA hpyen hpung ni hkap shingla gasat dat ai kawn gasat majan byin ai lam, shawnglam shisawk ni kawn chye lu ai.

KIA Dap Ba ( 3 ) Dap Dung ( 27 ) hpyen hpung ni shara jahkrat nga ai Mung Ding Pa de Myen hpyen dap, Hk.M.Y ( 8, 348, 521 ) na pawnghpawm hpyen hpung ni htu shadut lung wa ai majaw, January 19 ya shana hkying 6:00pm aten hta KIA hpyen hpung ni hkap shingla gasat dat ai kawn majan byin ai lam chye lu ai.