KIA hte Myen hpyen hpung ni matut manoi gasat gala majan byin

KIA Masat (9) Dap Ba, Masat (44) Dap Dung ginra, Ma-u Pin hte Chyawk Htu lapran kaw April shata 9 ya shani 2:30pm aten daram hta, Ka Maing kawn Ma-u Pin de pru wa ai dap mying nchye ai pawnghpawm Myen hpyen hpung ni, n-gun 100 jan hte KIA Dung (44) hpyen hpung ni gasat gala majan byin ai lam chye lu ai.

Myen hpyen hpung ni gaw KIA ni nga ai ginra de shamu shamawt shang wa ai majaw, gasat gala majan byin ai re lam, shawng lam lit nga ai salang langai tsun ai.

April shata 9 ya jahpawt jau 12:20-40pm aten hta sha, Nawng Gawn kaw dap jung nga ai Hk.M.T (366) dap ni hte KIA Dung (24) hpyen hpung ni gasat gala majan byin ai.

Shani hkying 12:30-1:30pm aten daram hta mung, Jambu post kaw dap jung nga ai Hk.L.Y (238) dap ni kawn KIA Masat (43) Dap Dung ginra, Chying Nam Bum grup yin de 60mm (5) lang gap bang ai re lam na chye lu ai.