KIA hte Myen hpyen ni gasat gala majan byin
Mungmyit Sinli Ga ( Kachin Sub-State ) KIA Dap Ba ( 6 ) Dap Dung ( 2 ) ginra hta shamu shamawt nga ai Myen hpyen hpung hte KIA hpyen hpung ni, August praw 2 ya jahpawt hkying 7:50am aten hta gasat gala majan byin ai lam, hpyen shisawk ni kawn chye lu ai.
Gasat majan byin ai shara gaw, Nawng Hpai mare makau na bum ntsa Mungshawa Hpyen Hpung ( MHH ) ni nga ai shara de, Hk.M.Y ( 363 ) dap na hpyen n-gun ( 50 ) daram htu lung wa ai majaw hkap shingla gasat ai re lam chye lu ai.
