KIA Lai Hpawng hpyen dap hpe Myen hpyen dap ni Jet nbungli ( 4 ) hte laja lana wa gasat
KIA Dap Ba ( 5 ) Dap Dung ( 3 ) ginra, Lai Hpawng Bum KIA hpyen dap hpe December, 21 ya jahpawt hkying 9:30am aten kawn Myen hpyen dap ni Jet nbungli ( 4 ) hte matut manoi Bom ni wa jahkrat bun nhtawm wa gap gasat ai lam,
Nhkram kaw du nga ai Myen hpyen dap ni kaw na mung Lai Hpawng Bum, Law Hkum Bum maga de laknak kaba ni hte matut manoi gap bun ai lam chye lu ai.
KIA Dap Ba ( 4 ), Dap Dung ( 8 ) ginra kaw mung, December, 20 ya shani hkying 1:30pm aten hta Loi Hawm hte Man Chyam lapran kawn lung wa ai Myen hpyen hpung ni hte TNLA hpyen hpung ni laja lana gasat gala majan byin ai lam, matut nna shana daw hkying 4:50pm aten hta mung, Man Pyawng Hkyet hte Hpun Kya Kawng lapran kaw KIA hpyen hpung ni hte Myen hpyen hpung ni gasat gala majan byin ai lam chye lu ai.
