KIA magam gun marai ( 3 ) hpe TNLA kaw gun na matu, TNLA ni tsun

July 15 ya shani Mungmyit Sinli Ga ( Kachin Sub-State ) KIA Dap Ba ( 4 ), Dap Dung ( 8 ) ginra, Mung Wi Ginwang Daw, Hpa Bren mare hta nga ai KIA hpyen ma Aik Layu, hpyen ma Aik Nai ( Laiza tsi jawng lung ) hte hpyen ma Maji Tu ni hpe TNLA de magam gun ra ai ngu tsun ai lam na chye lu ai.

KIA hpyela marai ( 3 ) hpe TNLA ni tsun ai hta “TNLA kaw magam gun ra ai, n-gun jang nanhte a Kanu Kawa ni hpe ahkyak la na, KIA ni gaw anhte Balawng ni hpe shanglawt jaw na n re” ngu tsun jahkrit nna, U ( 3 ) hpe mung rim hpai mat wa ya ai lam, ginra shisawk ni kawn chye lu ai.