KIA Masat (1) Dap Ba ginra hta gasat gala majan byin
KIA Masat (1) Dap Ba, Masat (7) Dap Dung ginra hta December shata praw 8 ya shani hkying 12:00pm aten, KIA hte gunshem Myen hpyen dap ni gasat gala majan byin ai lam chye lu ai.
Gunshem Myen hpyen dap ni gaw Sumpra Bum kaw na pru wa ai Hk.L.Y (46, 137, 138) dap na pawm hpawm hpyen hpung ni rai nna, hpyenla htaw modo kaji (1), modo kaba (2) hpe KIA pawm hpawm hpyen hpung ni Nsai Yang hte Sumpyi Yang lapran kaw hkap gap ai kawn, gasat gala majan byin wa ai re lam sawng lam shi sawk ni kaw na chye lu ai.
December shata praw 8 ya shana hkying 7:50pm aten hta mung, Mungmyit Sinli Ga (Kachin Sub-state) KIA Masat (4) Dap Ba, Masat 8 Dap Dung ginra, Kut Hkai အမွတ္တရကုန္း kaw dap jung nga ai gumshem Myen hpyen dap ni kawn, KIA ni nga ai Nawng Hkun maga de 120mm gap bun ai lam chye lu ai.
KIA ni dap jung shara jahkrat nga ai Dap Ba, Dap Dung ginra shara shagu ngu na daram, December shata praw kaw nna gasat gala majan matut byin nga ai re lam chye lu ai.
