KIA Masat (1) Dap Ba ginra hte Masat (6) Dap Ba ginra ni hta gumshem Myen hpyen dap hte KIA ni gasat gala majan byin
KIA Masat (1) Dap Ba, Masat (10) Dap Dung ginra, Mali Yang kaw dap jung shara la nga ai gumshem Myen dap Hk.L.Y (138) dap ni hte KIA ni February 15 ya shani hkying 10:45am aten hta Sumpra Bum lam kaw gasat gala majan byin ai lam chye lu ai.
Gumshem Myen hpyen Hk.L.Y (138) dap na hpyen la marai 12 hpung ni gaw, Sumpra bum lam de shamu shamawt lung ai aten KIA hpyen hpung ni hte ang katut gasat poi byin ai re lam chye lu ai.
Mungmyit Sinli Ga (Kachin Sub-state), KIA Masat (6) Dap Ba, Masat (36) Dap Dung ginra, Shau Hpawng Mare dingsa makau kaw mung, February shata 15 ya shana maga hkying 1:12pm aten kaw nna, hkying 1:25pm aten du hkra, gumshem Myen hpyen hpung ni hte KIA hpyen hpung ni gasat poi byin ai re lam, shawng lam na lit nga ai salang ni shana wa ai.
Gumshem Myen Hpyen Dap gaw, Hk.L.Y (287) dap hte Hk.M.Y (420) dap ngu maram ai hpyen n gun (150) daram gaw, KIA ni nga ai shara de shamu shamawt shang wa ai majaw gasat poi byin wa ai re. Gasat poi gaw naw byin wa mai ai lam, salang wa matut tsun ai.
Munggu Byuha Kawng kaw dung ai gumshem Myen hpyen ni mung, Loi Wing Bum maga de laknak kaba (120mm) hte (7) lang gap shadam bun ai lam, ginra masha ni kaw na chye lu ai.
