KIA Masat (11) Dap Dung ginra hta KIA hte Gumshem Myen hpyen dap ni gasat gala majan byin
KIA Masat (2) Dap Ba, Masat (11) Dap Dung ginra hta hpyen shamu shamawt hkawm ai Gumshem Myen hpyen dap ni hte KIA hpyen hpung ni Loi Hkaw mare kadawng, mile (18) kaw November shata praw (1) ya shani, hkying 11:00am aten daram hta gasat gala majan byin ai lam chye lu ai.
Gumshem Myen hpyen dap ni hpyen shamu shamu shamawt hkawm nga ai kaw KIA hpyen hpung ni hkap gap ai kawn gasat gala majan byin ai rai nna, Gumshem Myen hpyen dap kaw nna mung, makau grup yin de sinat laknak hkrup mara gap bun ai lam chye lu ai.
Jahpawt hkying 6:50am aten hta mung, Mungmyit Sinli Ga ginra, Hpai Kawng ntsa kaw Gumshem Myen hpyen dap ni hte Kokang MNDAA hpyen hpung ni numdaw kalang, hkying 8:35pm aten hta numdaw mi gasat gala majan bai byin ai rai nna, Bang Sai hte (105) mile kaw na Gumshem Myen hpyen dap ni kawn sinat lanak kaba gap garum ai lam, shawng lam lit nga ai salang ni kaw na chye lu ai.
