KIA Masat (12) Dap Dung ginra hta gasat gala majan byin
KIA Masat (3) Dap Ba, Masat (12) Dap Dung ginra hta June shata praw 2 ya jahpawt daw hta gumshem Myen hpyen dap hte KIA hpyen pung ni gasat gala majan byin ai lam chye lu ai.
Gumshem Myen hpyen dap Hk.L.Y (223,276) dap na hpyen hpung ni KIA ni nga ai Ranbu maga de shamu shamawt htu lung wa ai majaw, gasat gala laja lana majan byin ai lam, shawng lam shiga lawk kaw na chye lu ai.
Gumshem Myen dap ni gaw, gasat gala majan byin ai shara de Jet Fighter nbungli hte bawm wa jahkrat ai lam mung nga ai re.
June shata praw 1 ya shani hta mung, gumshem Myen hpyen dap Hk.L.Y (77) dap na n-gun (70) daram, KIA ni shara la nga ai maga de shamu shamawt htu lung wa ai majaw, Noi Ni Ai hte Bawet mare lapran kaw, gasat gala majan byin ai lam mung nga sai re.
Dai shani hta sha, Mungmyit Sinli Ga (Kachin Sub-Satae), KIA Masat (4) Dap Ba, Msat (8) Dap Dung ginra hta mung, gumshem Myen hpyen dap Hk.L.Y (45) dap ni Lung Htawn Yang hte Namhpalun Bum maga de sinat kaba gap shadam ai lam, ginra shiga lawk kaw na chye lu ai.
