KIA Masat (14) Dap Dung ginra hta gumshem Myen hpyen ni hte KIA ni gasat poi byin
KIA Masat (2) Dap Ba, Masat (14) Dap Dung ginra, Nam Hkam mare kaw shara jahkrat nga ai gumshem Myen hpyen ni hte KIA ni April shata 12 ya shana maga hkying 5:55pm aten hta Nam Hkam mare makau kaw ang katut gasat poi byin ai lam chye lu ai.
Gumshem Myen hpyen dap, Hk.L.Y (260) hte Hk.L.Y (297) dap na hpyen hpung ni, Nam Hkam mare makau hkan shamu shamawt chyinglau hkawm ai ten, KIA ni hte ang katut gasat poi byin ai re.
Mungmyit Sinli Ga (Kachin Sub-state), KIA Masat (4) Dap Ba, Masat (17) Dap Dung ginra, Sinli maga na hpyen modo (15) hta lung wa ai gumshem Myen hpyen n gun (200) hpe, April shata 12 ya shana daw hkying 5:23pm aten hta Pa Ju lam numshe kaw KIA ni bawm hte hkap shingla gasat ai lam chye lu ai.
