KIA Masat (2) Dap Ba, Masat (11) Dap Dung ginra kaw gasat poi byin
KIA Masat (2) Dap Ba, Masat (11) Dap Dung ginra, Makawk Zup kawn lagaw lam hte shamu shamawt lung wa ai Gumshem Myen hpyen n-gun (80) daram hpung ni hpe Tingrat Hka makau, Tower shadaw kaw September shata 23 ya shana hkying 6:05pm aten kaw nna hkying 6:20pm aten laman, KIA Dap Dung (11) hpyen hpung ni hkap gap ai kawn gasat poi byin ai lam chye lu ai.
Jahpawt hkying 7:55am aten hta Mu Gawng Ts.K.Hk (3) kawn Mile (8) lam hku Modo (4) hte lung wa nna Maran Kahtawng kawn Makawk Zup maga de lagaw lam hte shamu shamawt lung wa ai dai hpyen hpung ni hpe sha, shani hkying 10:50am aten hta KIA hpyen hpung ni bawm hte hkap shingla gasat ai re lam, shawng lam na lit nga ai salang ni kaw na chye lu ai.
Mungmyit Sinli Ga (Kachin Sub-state) ginra, Bang Sai kawn Mung Gu maga de shamu shamawt pru wa ai Gumshem Myen hpyen n-gun (160) daram hte hpyen arung arai htaw Modo (41) hpung ni hpe Kokang MNDAA hpyen hpung ni September shata 23 ya shani hkying 11:10am aten hta Mung Lung makau kaw kalang, hkying 1:55pm aten hta Nam Su hte Naw Gu lapran kaw kalang, hkying 2:30pm aten hta Sak Hkung Hka kau kaw kalang, hkap shingla gasat ai kawn numdaw (3) lang gasat poi byin ai lam na chye lu ai.
