KIA Masat (2) Dap Dung ginra hta gasat gala majan byin
Mungmyit Sinli Ga (Kachin Sub-state), KIA Masat (10) Dap Ba, Masat (2) Dap Dung ginra, Banglum Bum makau Namba Tep hte Namhu lapran kaw, November shata 12 ya shani hkying 11:30am aten hta gumshem Myen hpyen dap hte KIA ni gasat gala majan byin ai lam chye lu ai.
Gumshem Myen hpyen hpung ni gaw, Mungji Dap kaw na KIA ni nga ai shara de shamu shamawt chyinglau shang wa ai majaw gasat poi byin ai re lam, shawng lam na lit nga ai salang langai tsun ai.
November shata 11 ya shani hta gumshem Myen hpyen modo 34 hpung ni, Gunlung KIA Masat (10) Dap Ba ginra de lai lung wa sai, modo 11 hpung ni gaw, Kutkai kaw du shang sai lam, salang wa tsun ai.
Ndai laman hta gumshem Myen hpyen dap ni KIA ni nga ai shara shagu ngu na de, hpyen n gun law law hte ding yang ngu na, shamu shamawt shang wa nga ai majaw, gasat gala majan matut byin wa mai ai lam, ginra shi sawk ni kaw na chye lu ai.
