KIA Masat (253) Dap Nawng Dap Dung ginra hta gasat gala majan byin
KIA Masat (1) Dap Nawng Daju, Masat (253) Dap Nawng Dap Dung ginra hta March shata 13 ya jahpawt hkying 10:00am aten kaw nna, Dabak hka kau, Pung Ling gumshem Myen hpyen dap hte Sama Wang gumshem Myen hpyen dap lapran na U Hkai hkyet KIA post kaw laja lana gasat gala majan byin ai lam chye lu ai.
March shata 12 ya shani kaw nna gumshem Myen hpyen dap ni KIA Masat (1) Dap Nawng Daju, Masat (253) Dap Nawng Dap Dung ginra de htu shadut shang wa ai majaw, Sama Kawng lawu Uhkai Hkyet hte Hkindu Kawng mayan kaw gasat gala majan byin ai re.
KIA hte gumshem Myen hpyen hpung ni sinat kaba hte shada gap bun hkat ai hpang, shana maga hkying 4:25pm aten kaw nna, lagaw lam hku man pa laja lana gasat gala majan matut byin ai lam chye lu ai.
