KIA Masat (27) Dap Dung ginra hta gasat gala majan matut byin
KIA Masat (3) Dap Ba, Masat (27) Dap Dung ginra hta February shata 21 ya jahpawt hkying 7:00am aten daram kaw nna, gumshem Myen hpyen hte KIA ni, Laika Zup Ja mare ntsa kaw gasat poi matut byin ai lam chye lu ai.
Gasat poi byin ai hte Munghkawng kaw nga ai, gumshem Myen hpyen dap ni kawn KIA hpyen hpung ni nga ai shara de, laknak kaba gap bun ai lam, shawng lam na lit nga ai salang ni kaw na chye lu ai.
February shata 19 ya shani hta mung, gumshem Myen hpyen n gun 40 jan hpung ni, Munghkawng mare kaw nna pru wa ai hpang, Laika Mare lawu kaw KIA ni bawm hte hkap shingla gasat dat ai lam mung nga ai.
KIA Masat (27) Dap Dung ginra hta gumshem Myen hpyen dap ni February shata praw 5 ya shani kaw nna, shamu shamawt hkawm nga ding yang re majaw, KIA ni hte chyahkring hkring gasat poi byin nga ai re hpe mung chye lu ai.
