KIA Masat (29) Dap Nawng Dap Dung ginra hta KIA hte gumshem Myen hpyen ni gasat gala majan byin
Mungmyit Sinli Ga (Kachin Sub-state), KIA Masat (4) Dap Ba, Masat (29) Dap Nawng Dap Dung ginra, Law Mun mare kaw na pru wa ai gumshem Myen hpyen n gun 80 jan hte KIA ni December shata praw 2 ya jahpawt hkying 9:00am aten daram hta gasat gala majan byin ai lam na chye lu ai.
December shata praw 1 ya shani hta mung ndai Myen hpyen hpung ni hte sha, Galeng mare makau kaw KIA hte Kokang MNDAA pawng hpawm hpyen hpung ni gasat poi byin ai re.
Galeng Ginwang Daw, Bangjam Ninghtawn kata hta shamu shamawt hkawm ai gumshem Myen hpyen dap ni gaw, Dapnu (99) hte kaga dap na pawng hpawm n gun 200 daram nga ai re lam, shawng lam na lit nga ai salang ni kaw na chye lu ai.
