KIA Masat (3) Dap Dung ginra hta gumshem Myen hpyen hte KIA ni gasat gala majan byin
KIA Masat (5) Dap Ba, Masat (3) Dap Dung ginra, Sadung Ginwang, Chyihpwi lam Sani Hku Mare baw Shangngaw mahkrai pawt kaw, October shata 15 ya jahpawt hkying 7:00 am aten hta gumshem Myen hpyen dap hte KIA Masat (3) Dap Dung hpyen hpung ni gasat gala majan byin ai lam chye lu ai.
Gumshem Myen hpyen dap hte Pyi Tu Tsit pawng hpawm hpyen n gun (50) daram gaw, KIA ni shara la nga ai, Sani Hku Mare baw Shangaw mahkrai pawt kaw KIA ni hkap shingla gasat dat ai kawn minute 30 daram gasat poi byin ai lam nga ai. Gasat poi hta gumshem Myen hpyen maga na marai 3 si mat ai lam, ginra shiga lawk kaw na chye lu ai.
Gumshem Myen hpyen dap ni gaw, ya aten hta ginra Pyi Tu Tsit ni hpe n gun gang la nhtawm, KIA ni nga ai shara de hpyen shamu shamawt chyinglau shang wa ai majaw, jahkring hkring gasat gala majan byin nga ai re.
